Diadomingo pasa di 9:03 anochi central di Polis ta haya un yamada cu lo tin un hoben hinca altura di Sr. Schaepmanstraat na San Nicolas. Di biaha patruyanan di San Nicolas y Mobiele Eenheid ta presenta na e sitio y topa cu di berdad un hoben hinca. E hoben tabatin un hinca bou di su brasa y a informa cu e pelea a surgi altura di Pacifico y el a core bin na un cas pidi ayudo.
Ambulance a presenta tambe na e sitio pa atende cu e victima y a keda transporta pa Centro Medico pa atencion medico avansa. Recherche di San Nicolas tambe a presenta na e sitio pa asina tuma datos y haci nan investigacion. Cualkier persona cu por sa algo di e caso aki por duna e tip na 11141 bo ta keda anonimo.