OUTREAU, Francia- Un accidente lamentabel ta locual cu a tuma luga na ciudad Frances, Outreau cual a costa bida di un mucha muhe di 17 aña. El a laga su telefon cay mientras cu e tabata bañando y asina ta wordo electrocuta.
E victima a wordo haya door di su mama. Esaki a bati alarma, pero tur yudansa tabata laat. E hoben a muri na e sitio.
Extension cord
Segun medionan Frances e telefon di e victima tabata conecta na un waya di charger den mal estado cu tabata conecta na un extension cord pega na un stopcontact pafo di e baño.
Un specialista a declara na e portal di noticia La Voix cu no mester ta posibel pa uza un extension cord den baño. Puntonan di electricidad no mester ta asina cerca di puntonan di awa.
ACCIDENTE
Autoridadnan ta trata e incidente aki como un accidente lamentabel. E causa di morto di e hoben no ta wordo investiga mas a fondo.