NEW YORK, Merca- Un muhe Latino a gana un veterano di guera den e eleccionnan primario pa congreso di Partido Democraat na New York. Ta trata aki di Alexandria Ocasio, di 28 aña, un tabata traha como waitres cu un titulo di Economia y Relacionnan Internacional di e Universidd di Boston.
Su mayornan ta Portoriqueño. Despues di cu su triunfo a bira conoci, el a bisa cu e campaña tabata hopi sushi y cu esey ta demostra cu e lidernan politico mester presenta posicionnan di nan mes. Haci esaki enbes di ripiti e vision di presidente Donald Trump.
Den caso cu e wordo eligi parlamentario na November, Ocasio lo ta e miembro di parlamento mas hoben eligi e aña aki.
“Mi sa cu tur hende akinan a traha duro y cu nan a haci un esfuerso pa cambia e futuro di Bronx y di Queens, esey ami sa. E victoria aki ta pertenece na cada un organisador di base, na cada tata trahado, cada mama, cada miembro di e comunidad LGBTQ”, Ocasio a bisa ora cu su triunfo a bira conoci.