E hoben Jair van Nes a caba di bay Hulanda pa sigui cu su estudio y grato tabata nos sorpresa ora nos a tuma nota cu Jair ta colectanto pa Koningin Wilhelmina Fonds na Hulanda tambe.
Jair van Nes tabata alumno di Colegio Arubano y via di Kiwanis Key Club Colegio Arubano el a colecta pa Koningin Wilhelmina Fonds Aruba pa 5 aña largo. E aña aki Jair ta e hoben cu a colecta mas hopi placa durante e colecta anual. Awo cu el a bay biba na Hulanda, el a dicidi di sigui cu e bunita trabou di boluntario y a colecta pa Koningin Wilhelmina Fonds di Hulanda.
Mientras cu na Aruba e lunanan di colecta ta April y Mei, na Hulanda e luna pa colecta ta September y asina pues Jair a yega Hulanda y bay colecta pa Koningin Wilhelmina Fonds na Hulanda. Riba e potret por mira Jair colectando pa KWF Nederland dilanti di Albert Hein na Maastricht. Koningin Wilhelmina Fonds Aruba ta orguyoso di nos hobennan cu tin e curason na e bon luga y ta desea Jair hopi exito cu su estudio tambe!