Oostende, Belgica- Un buskeda di oranan largo na Oostende pa un boto di vela accidenta, no a duna resultado. E boto, nabegando bou bandera Hulandes, a naufraga diasabra mainta. A bordo tabata tin 6 persona. Dos persona di nacionalidad Hulandes a perde nan bida. Dos otro miembro di tripulacion a wordo rescata y transporta cu urgencia pa hospital.
Te cu bahada di solo, ainda rescatistanan tabata en busca di un miembro di tripulacion di 18 aña. Den e buskeda helicopternan di rescate Hulandes tambe a tuma parti. A haya e zwembroek di e hoben, pero e hoben mes ta perdi te ainda.
Mañan nan lo no sigui cu e buskeda di e hoben, segun un vocero di e Belgische Maritiem Reddings- en Coördinatiecentrum a declara na ANP. “Nos a busca den henter e area y no a haya niun hende”.
Riba e yate tabata tin 15 Hulandes y un Belgo presente, segun polis Belga. Dos Hulandes di 17 y 53 aña a wordo rescata, como tambe un ciudadano Belga di 37 aña.
E yate aki tabata participando den un competencia. E barconan a sali ayera nochi pa 9 or y lo mester a yega diasabra merdia. E boto a naufraga 15 km leu for di costa.
Fuente: www.anp.nl