ECATEPEC, Mexico – Un hoben di 18 aña a wordo haya destripa den un carniceria cinco kilometer di e oficinanan di e alcalde, Indalecio Rios, presidente municipal di Ecatepec, pa e partido Revolucionario Institucional na Mexico.
E hecho cu a sosode diahuebs, ora cu Mariana Joselin Baltierra, a sali di su cas pa haci algun compras na mas of menos un 200 meter di su cas. Den e trayecto el a pasa dilanti di un carniceria, unda cu e tabata papiando cu un hoben di 28 aña.
Segun autoridad, Mariana a pasa solamente un biaha dilanti di e carniceria, ya cu a deduci cu el a bolbe cu e comestiblenan, e hoben di 28 a tum’e pa forsa y contra su boluntad a drenta e luga.
E homber tabata tin 15 dia trahando y bibando den e luga, ya cu e doño di e establecimento a dun’e un camber den e piso ariba di e tienda. El a yega poco tempo prome den e bario pasobra segun un denuncia poni pa su ruman muhe na polis, e hoben ya a purba di mata nan mama. Pero e informacion aki a haya sa dianan despues di e macabro hayasgo.
Mariana a wordo haya tira abao, nan a habri su abdomen y nan a warda pa e desangra. E curpa tambe a presenta señalnan di violacion.
E noticia macabro aki a impacta fuertemente e bisiñanan, cu a reuni pa exigi autoridad y na e mesun alcalde, pa reforsa siguridad di e luga, ya cu no ta prome biaha cu den e sector a presenta un feminicidio di tal magnitud.
Den transcurso di e aña 15 muhe a wordo asesina violentamente den e municipio, segun conteo di e activista Frida Guerrera, cu infirmacion di medionan local, pero e Gobierno Municipal ta conta cu solamente dos di esakinan como feminicidio.
E Instituto Nacional di Estadistica ta hisa e cifra di e asesinadonan na 2016 na 59 mientras cu e cifranan municipal ta mantene na 37. E datonan proporciona no ta coincidi, pasobra algun instancia ta registra e filenan di investigacion y e resto solamente loke cu ta señala cu perspectiva di genero.
Ecatepec ta conta cu un alerta estatal pa por eradica violencia contra hende muhe, pero segun e organisacionnan cu ta reconoce e problematica ta denuncia, dicho medida no a sirbi pa nada.
Fuente: www.ntn24.com