Pa mas o menos 1:28 marduga di diamars den Tarabana tiro a cay net dilanti un cas na Mandolinstraat e personanan n’e cas a informa polis di biaha y patruyanan a presenta rapidamente.
N’e sitio oficialnan a compronde cu un mucha homber di 17 aña a keda alcansa pa un di e balanan cu a keda tira.
E situacion di e hoben tabata critico pero stabiel. Famia tabata altera di e caso, polis a topa cu huls y a pidi presencia di recherche y departamento tecnico presenta rapidamente.
Paramedico a transporta e hoben di biaha pa hospital pa atencion medico necesario. Recherche tin e caso aki bou investigacion.