Diaranson anochi pabou di veld di Winston na Sta Cruz algun mucha homber a topa pa intercambio y aki situacion a bay foi man cu algun den auto a los tiro riba un mucha homber riba brommer.
Algun persona cu a mira e sospechosonan bay foi e sitio a informa Polis di biaha di e caso. Patruyanan di biaha a keda dirigi pe sitio y ya topa cu e mucha homber cu tiro na parti su pecho pa bariga y a pidi presencia di ambulance cu maximo urgencia.
Paramediconan a presenta di biaha y a traha duro cu e mucha homber y te hasta un rato reanimacion. A bay hospital cune di biaha pa atencion medico avansa.
Recherchenan y departamento tecnico di Polis a presenta di biaha pa start investigacion ne sitio, pa combersa cu e testigonan clave cu ta tres persona cu tabata ne sitio.
