Na Canada dos mayor ta wordo persigui pa asesinato door di neglisha nan yiu homber cu ta sufri di diabetes. E hoben a muri na 2013 a consecuencia di su malesa.
Esaki segun Huffington Post Canada. E hoben, Alexandru Radita tabata un di e ocho yiunan di Emil Radita (60) y Rodica Radita (54). Segun testigonan e mayornan no kier a acepta cu e hoben tabata tin diabetes y p’esey no a zorg pa a duna e tratamento. Na 2003 e hoben a yega hospital hopi malo.
Despues cu el a sali for di hospital, un trahado social a laga pone Alexandru den un famia di criansa, na unda cu el a mehora. Despues di un aña el a bay bek cerca su mayornan, contra di e protestanan di e trahado social.
Segun e hues e mayornan a haci nan best pa isola Alexandru di e mundo exterior. Te cu Alexandru a muri di un infeccion door cu e tabata muri di hamber.
Mayornan a ricibi un castigo di 25 aña. “Prueba cu nos tin ta muestra cu e mayornan tabata sa bon bon con malo Alexandru tabata ta, pero cu toch nan no kier a dun’e e tratamento necesario”, segun e hues. “Nan tabata sa cu e lo muri”.