Cuerpo Policial ta pidi cooperacion pa localisa un hoben perdi. Ta trata aki di Eugelisa Robertina Lucia Martis, naci na Aruba, dia 24 Februari 2003 y biba na Seroe Patrishi 153.
E ta midi 1.60 m, color bruin cla, cabey largo y golf color bruin cla y ta papia Papiamento.
Eugelisa a wordo mira ultimo biaha dia 2 December 2017 pa mas o menos 7 or di anochi. El a sali for di cas di su mama y despues di esaki e no a wordo mira mas. Ultimo biaha cu a mir’e, e tabata bisti cu un carson cortico color preto, t-shirt blauw y slof Adidas na pia. Cualkier persona cu por a wak Eugelisa ta pidi’e encarecidamente pa tuma contacto cu central di polis na nr. 100, tiplijn di polis 11141 of mama di Eugelisa na 5630211. Di antemano danki pa e cooperacion.