Un hoben kende tabata desapareci durante dos aña y mey a wordo haya bibo den un cashi di cas di un sospechoso di distribui pornografia infantil na Alemania. E menor di 15 aña a wordo haya durante un razzia policial na Recklinghausen, estado Alemania di Renannia del Norte-Westfalia. Polis tabata listrando e cas di e homber di 44 aña di edad sospecha di distribui pornografia infantil na momento cu nan a bin topa cu e menor. “Polisnan a descubri e menor den un kashi. Un investigacion a saca afor cu tabata trata di un menor di 15 aña kende tabata desapareci durante hopi tempo”, asina polis di Recklinghausen a declara. Vocero di polis a bisa cu e menor tabata desapareci durante dos aña y mei. Segun polis, no tabatin indicacion cu e menor tabata wanta contra su boluntad. E menor ta permanece bao di proteccion policial y no a wordo identifica pa razonnan legal. E vocero di polis a bisa cu e homber di 44 aña di edad y otro homber mayor kendenan tambe tabata den e cas na e momentonan ey a wordo deteni.