Hoben cu tira ariba un scol di enseñansa special lo wordo persigui penalmente

Imagen di file

LIMBURG, Hulanda- Husticia di Limburg penalmente lo persigui e hoben cu na september ultimo a los algun tiro riba un scol na Roermond. E lo wordo persigui pa dos intento di asesinato y/o intento di homicidio. Esaki segun un vocero, despues di un comunicado den De Limburger. Ademas, e hoben ta wordo acusa di maltrato pisa, menasa y posesion di arma.
E sospecho, riba 14 di september a bay e scol pa enseñansa special, fuertemente arma. E tabata tin cuchiu, pistol di aire y un machete cun’e. Unabes paden na e scol el a los algun tiro, pero niun hende a resulta herida. Docentenan a sa di domin’e prome cu e por a causa mas daño. Un pleito cu’n compañe di scol probablemente tabata e motibo.
E caso lo mester a presenta den corte hubenil. Pero door cu un di e partidonan involucra no por tabata presente, a pospone e caso pa juli.

Comments

comments