Hoben cu a purba comete suicidio a haya un transplante di cara

NEW YORK, Merca- Na juni 2016, Cameron Underwood a purba comete suicidio dor di tira su mes den cara pa cual el a keda completamente desfigura. Pero el a recupera por completo danki na un transplante di cara.
“E tabata un momento hopi scur den mi bida. Nos tur ta haci cosnan cu no ta, boso mes sa, idealnan. Pero bo ta supera esakinan. Ohala, cu boso yudansa, nos por supera esaki”, e hoben aki tabata reflexiona, algun luna cu el a wordo opera.
“Mi tin nanishi y boca, pa cual mi por bolbe hari, papia y come alimento solido”, segun e corant The Irish Sun, citando Cameron Underwood.
Operacion exitoso
Dia 18 di januari ultimo, 18 luna despues di e incidente, un ekipo di e centro medico Langone di e Universidad di New York (Merca) compone pa 100 profesional cu a realisa un cirugia minucioso durante 25 hora.
“Nos ta confia cu nos por mehora su apariencia y, loke ta mas importante, su funcion y calidad di bida”, Eduardo Rodriguez, e ciruhano cu a lidera e intervencion a splica.
E specialista aki cu ya caba a realisa dos intervencion di e tipo aki, a sigura cu e avancenan ta permiti pa evalua, “rapidamente” donante y receptornan cu e obhetivo di realisa e transplante “na e manera mas sigur y eficiente”.
Den cualkier caso, Rodriguez ta recorda cu “na final, tur cos ta depende di e pashent” y a destaca cu e esfuersonan cu Underwood a realisa tabata imprescindibel pa e exito di e operacion. Faborabel na su “recuperacion fisico y emocional a resulta determinante di e periodo cortico cu a transcuri entre e suceso y e cirugia.
“Cameron no a biba cu su heridanan durante un decada of mas tempo, manera e gran mayoria di receptor si a haci”, un hecho fundamental pa wanta e “hopi problemanan psicologico a largo plaso cu, hopi biaha, ta hiba e persona na depresionnan grave, abusonan di substancia y otro conductanan potencialmente dañino”, e experto a splica.
E donante
Underwood tabata tin un di dos oportunidad danki na e fayecimento di William Fisher, di e Universidad di John Hopkins University, kende su mama ta gradici cu “door di cumpli cu su decision nos por a regala un bida na otronan”.
E muhe ta sigura cu “formando parti di e experiencia” a dun’e “un fuente di fortaleza den un momento hopi dificil” y cu e ta contento di cu Willie a yuda Cameron “pa tin un miho bida”.

Comments

comments