TEL AVIV, Israel- Adolescente cu a pasa dos soldat Israeli un bofta laga den libertad despues di a pasa ocho luna den prizon.
Ahed Tamimi a sali di prizon cu su mama, pa despues wordo traslada pa territorio Palestino.
E servicio penitenciario di Israel a informa di e liberacion di Ahed Tamimi, considera como un icono di e resistencia Palestino.
E adolescente di 17 aña a sali di prizon hunto cu su mama diadomingo mainta y e militarnan a traslade pa territorio Palestino.
E menor a wordo condena na ocho luna di prizon pa bofta y scop dos soldaat Israeli dilanti di su cas den e pueblo di Nabi Saleh, den West Bank, despues cu e militarnan Israeli a herida su primo di 15 aña gravemente.
Su mama a filma e escena cual a tuma luga na luna di december ultimo y a publica esaki ariba Facebook, unda cu e video a bay viral. E hoben a conberti su mes den un simbolo di resistencia Palestino na e ocupacion Israeli den e teritorionan.
Un tribunal militar Israeli a presenta 12 cargonan di agresion y provocacion contra e adolescente, cu na luna di maart ultimo a wordo condena na ocho luna di prizon hunto cu su mama.
E hoben desde jong ta resisti na e ocupacion Israeli. El a bira famoso na 2019, ora cu el a wordo filma para dilanti di un soldaat cu su mokete den halto. Na 2015 el a stroba soldatnan Israeli di aresta su ruman homber, cu tabata tin un brasa den gips.