CARACAS, Venezuela- Yendri Sánchez, e hoben cu a inflitra den e huramentacion di Nicolas Maduro na 2013, a wordo haya sin bida den su cas na Ciudad Ojeda, Costa Oriental del Lago, estado Zulia.
Curpa di e homber di 30 aña di edad a wordo haya diadomingo den estado avanza di descomposicion y cu’n saco di plastic riba su cabes, segun e parti policial.
Sanchez, cu tabata bipolar y tabata sufri di skizofrenia, a bira conoci ora cu el a infiltra den eventonann manera Miss Venezuela, unda cu el a kita e corona for di Dayana Mendoza y den Copa America 2007, cu a wordo realisa na Venezuela, kitando e bala for di Lionel Messi.
Segun version di e bisiñanna, for di 1 di augustus nan no a wak Yendri Sanchez mas y e holo fuerte cu tabata sali for di e cas ta loke a alerta miembronan di e comunidad, cu a drenta den e cas y a bin haya e cadaver den descomposicion mara na man cu pia.