Hoben cu a biba na Aruba mata na Colombia

Informacion cu MasNoticia a ricibi ta indica cu un ciudadano Dominicano cu a biba na Aruba, a wordo mata den fin di siman na Colombia.

E hoben aki a wordo raporta como desapareci durante un biahe di placer cu el a haci pa Medellin Colombia y despues a hay’e morto.

A bati alarma ora cu no a tende mas di dje y famianan a publica riba Facebook cu e ultimo biaha cu a mir’e tabata diadomingo, 5 di September.

Ta trata di e homber identifica como Félix José Almanzar Jiménez, kende tabata den compania di su casa. Pero ta parce cu e mucha homber a sali, mientras cu e tabata drumi, y no a laga ningun respondi atras p’e.

Ayera a bin haya Almanzar Jiménez sin bida na un distancia for di un hotel na Medellin, y su curpa tabata mustra señal di violencia.

Ta sospecha cu el a wordo atraca.

Almanazar Jimenez tin nacionalidad Dominicano, pero for di chikito el a bandona su pais hunto cu familiarnan. Algun persona aki na Aruba a informa MasNoticia cu e hoben aki a biba algun aña na Aruba. Y inclusive el a bay scol aki. Despues el a bay residencia na Merca.

Palabra di condolencia ta bay na famia y amistadnan.

 

Comments

comments