Mientras cu Aruba ta habri di dos dia di Pasco, tabatin varios acontecimento policial rond di nos isla. Un di nan a sosode net tras di Renaissance den Havenstraat, caminda cu un persona relativamente hoben, pa rasonnan obvio, a bin for di pariba, a perde control, a baha caminda drenta e isleta patras di e hotel y a bin dal den un palo di luz, causando daño considerabel na su auto, marca Honda.
Por a ripara e bumper benta un banda caminda e auto a impacta y e sla cu e auto a ricibi, despues di e impacto.
E accidente a sosode den careda di 1’or di marduga.
Polis a presenta mesora despues di a ricibi e informacion y mirando e condicion di e hoben, no a duda pa detene e hoben y hinc’e den transportwagen.
Basta destruccion a wordo causa, ya cu el a dal un di e pilonnan y tambe n’e palo di luz.
Loke a haci cos un tiki mas pio, e hoben a bandona e sitio. Sinembargo el a bin bek. Polis a e sitio a nota su condicion y a detene.
Despues di esaki polis a hiba e hoben warda caminda cu e lo a presenta dilanti fiscal auxiliar pa e duna cuenta di su actonan.
No ta descarta cu e lo pasa e resto di dia cera.
