Diadomingo anochi laat varios automobilista a hayanan ta baha caminda of a para trafico un momento debi cu nan a topa di sorpresa un mucha homber lomba sunu di Sun Plaza rotonde ta cana te hasta core un momento memei caminda.
Tabatin momento cu e mucha homber a bay riba e sero memei caminda y bay brasa e pali luznan y asina sigui su caminda. El a sigui bay direccion Bushiri pa Madiki Kavel, memei caminda pia abou e mucha homber tabata.
Trafico a keda paralisa pa un rato. Cada rato e tabata bay brasa un pal’i luz. Polis a keda notifica pero Polisnan mes tabata man yen cu otro caso pero a logra yega y topa cu e mucha homber memei caminda coriendo na pia.
Polisnan a baha bay atende cune pero e no tabat razona, y asina a mande vloer detene. El a bisa cu el a sali foi Eagle Beach ela laga su amistadnan. A notifica mayor di e caso, debi cu e mucha homber tabata leu foi cas.
