BAGDAD, Irak – E hoben di 16 aña, Linda W. for di Alemania, tin un pena di morto colga riba su cabes na Irak. E Yihadista a wordo gara luna pasa den e ciudad Iraki, Mosul. For di e tempo ey, e ta cera den un prizon na Bagdad. Ta keda na e huesnan, si e hoben ta haya un pena di morto, e prome minister Iraki, Haider al-Abadi, a bisa. “Bao di algun ley, tambe hobennan ta responsabel pa nan accionnan,” al-Abadi a bisa na e agencia di prensa Mericano AP. “Vooral si e accionnan criminalnan ey ta hiba na morto di hendenan inocente.”
Casa cu un Yihadista di ISIS
E hoben Aleman a bandona a1a pasa zomer su ciudad natal Pulsnitz pa Irak, ora cu el a busca contacto cu ISIS. Via Turkia el a drenta Irak. Eynan e lo a casa cu un miembro di ISIS, segun e corant Aleman, Zeit.
El a wordo haya e tempo ey pa e ehercido Iraki, ora cu nan a reconkista Mosul for di ISIS. Eynan Linda a wordo herida na su rudia, segun e corant Aleman Tagesschau.
Fuente: www.rtl.nl