SAN SALVADOR, El Salvador- Evelyn Hernández a haya un yiu, sin cu e tabata spera. Ora cu esaki a tuma luga, dia 6 di April di aña pasa, e tabata tin 18 aña. Studiante di secundaria den un zona rural di e pais, e tabata wordo abusa sexualmente pa un miembro di un gang.
E tabata haya su periodo normal, y e no tabata sa cu despues di un violacion, el a sali na estado.
Te cu un dia el a cuminsa sinti dolornan den su barig y di su curpa a sali un fetus morto. Esaki a sosode den e comedor di su cas. El a perde sanger y a bay flauw.
Su mama a hib’e hospital, unda el a keda deteni, acusa di a comete abortus. E siman aki, el a wordo sentencia na 30 aña di prizon, pa “homicidio agava perhudicando su yiu recien naci”.
E hues a tuma e decision pa motibo cu Hernandez no a busca atencion prenatal. Di e manera aki, e caso di Hernandez a bira un mas na El Salvador cu ta muestra cu abortus ta sigui manda hende muhenan pa prizon despues di decisionnan controvertido di husticia.
E organisacion di Derechonan Humano, Amnisty Internatinal a critica e prohibicion di abortus. E ta considera cu esaki ta forsa e hende muhe pa haci esaki di forma clandestino, cu peliger pa e muhe na estado.
Fuente: www.bbcmundo.com