Hoben a tira su mes den cabes na Monserat

Dialuna marduga un dama ta sali for di su camber den cas na Monserat despues di a scucha un tiro y a bin topa cu su pareha benta abou cu un tiro den cabes. Na grito e famia tabata pidi ayudo, habitantenan den cercania tabata scucha grito, a pidi ambulance y polis pa presenta. Patruya di Noord y Playa a acudi na e sitio di biaha y a topa cu un homber benta abou cu sanger ta sali for di su cabes. E victima tabata tin un arma di candela den su poder benta banda di dje. A uza e arma pa tira su mes, polis a confisca tanto e arma y e balanan, polis na e sitio a cera full e area pa investigacion y a notifica tanto recherche y departamento forensico cu a presenta na e sitio pa haci nan investigacion. Personal di ambulance a atende cu e victima di biaha y a bay cu e homber hospital acompaña pa un familiar. Mes un momento otro ambulance a presenta pa atende cu un persona cu a bira basta malo na e cas ora a topa cu e sucedido. Pa 3:41 dokter a constata morto di Michealangelo Joshua Geerman naci na Aruba 9 dec 1991. Paz na su restonan.

Comments

comments