Diahuebs pasa di 3or di atardi riba e caminda di Jaburibari poco panort di e rotonde un nissan pathfinder a dal den un palo di luz ranca esaki completo. Personanan cu tabata testigo di e accidente, a constata cu e chauffeur a baha for di e auto y bay orina y a kita plachi di number y subi su auto bek y bay direccion nort tur cu tin.
Un persona a sigui esaki y den e birada na Moko 30, e chauffeur a perde control dal den un kia picanto y asina sigui bay. Na e crusada di Moko a logra di blokia e auto y asina polis a detene e chauffeur hoben cu tabata agresivo. A bay cu e detenido warda di Polis. Personal di elmar a presenta na e sitio di accidente pa mira e situacion di e palo di luz.