Diahuebs den careda di 10’or pasa di anochi un habitante di Rooi Afo a bay atende cu algun hoben cu tin e bario cansa cu desordo di auto y draaimento di auto riba e veld den cercania di e casnan. Ora cu e homber a yega cerca di e hobennan a start un discusion y aki e hobennan a cuminsa bringa cu e homber y un di nan a hinca e persona dos biaha bou di su brasa. Hinca profundo, e homber a subi su truck y cuminsa busca e chabalitonan aki debi cu nan ta bou di 18.
E homber a yega cas di un famia na Pavia y a te hasta perde control momento cu a bay reverse debi cu e tabata perdiendo sanger y tabata busca e mucha hombernan cu a hinke pero sin resultado. Asina e homber a yega cas di un di e mucha homber nan famia y atende cu e mama seriamente p’e mama mira kico su yiu a haci cune.
Segun e victima e hobennan tin e bario terorisa tur dia cu draaimento di auto y un reclamo a caba na hincamento. Ambulance a dura basta, a pone cu e personanan no por a keda warda y a bay cu auto particular pa hospital. Recherche a keda poni na altura y departamento forensico pa presenta unda e caso a pasa y e cas pa cu destruccion di muraya debi na un accidente.
Elmar tambe a presenta pa atende cu situacion di waya di coriente cu tabata colga basta abou, debi na e destruccion cu a keda haci na e cashi di coriente di un cas.
Momento cu oficialnan tabata n’e sitio a presenta un hoben cu su mayor, aki e ruman di e victima a reconoce e hoben y te hasta un prueba a keda haya y aki polis ta bay over na detene e hoben di 16 aña, slachtofferhulp tambe a presenta n’e sitio pa papia cu familiarnan na ambos adres.