Comienso di 2024 tabata un epoca di temperatura halto y hopi calor na Colombia, principalmente den e zona Andino y di sabana. Esaki a haci cu a presenta emergencia, awo a presenta un brote respiratorio delicado n’e Scol di Cadete Jose Maria Cordova na Bogota.
Loke a cuminsa como un rumor y un yamada chikito di atencion, a converti den algo hopi mas delicado y serio ora cu e oranan a pasa riba dialuna, dia 5 di februari. Y di un grupo chikito di hende cu problema respiratorio, e cifra a yega na casi 300 exponi na un brote contagioso y special di influenza, cu desde e Alcaldia di Bogota a cualifica como Infeccion Respiratoria Aguda Grave (IRAG).
Reporte di epidemia respiratorio na Bogota
Segun e cifranan oficial y confirma, cu por cambia den e proximo ora y dia, ta cerca di 290 persona exponi n’e infeccion, di cual a registra 101 cu sintoma, 98 a wordo aisla riba cuenta di nan sintomanan, tin 3 hospitalisacion cu atencion special, den Cuido Intensivo tin 2 interna, pero loke ta preocupante ta cu ya tin un hende cu a fayece. Ta trata aki di un hoben di 18 aña, studiante di e Scol Militar di Cadete, procedente di Barranquilla.
Despues di e bishita inicial, cu no t’e unico y tampoco a trece resultado global, a informa e cifra y e reportenan ya indica. Sinembargo, den e notanan periodistico a revela otro dato y informacion cu a alerta e ciudadania.
Fuera di esey, tabatin un yamada di e Alcaldia di Bogota pa sigui instruccion y cuido. Completa e schema di vacunacion di famia, uzo di tapaboca, si tin of ta biba cu hende cu sintoma di problema respiratorio, laba man frecuentemente y di forma detaya, ventila e espacionan cera, entre otro medida cu ta recorda e prevencionnan di COVID-19. Tambe, implementacion n’e virtualidad den e sesionnan di educacion y laboral di e mesun Scol Militar.
