Miembronan di Team di Hilton Aruba Caribbean Resort & Casino a contesta yamada pa trabaonan boluntario cu e plan di haci un donacion di mas cu 3,900 ora boluntario na nos isla su Food Bank local durante lunanan di September y October, 2020.
Oranan boluntario a inicia caba na Aruba su Food Bank, na unda cu Hilton Aruba su ‘Blue Energy Food Bank Heroes’ a pasa ta prepara e ultimo simanan diferente pakete di cuminda pa famianan den necesidad.
Organisacion non-profit FPNC – Fundacion pa Nos Comunidad, ta operando riba nos isla desde 2009. Siguiendo cu e perspectiva di Ghandi cu pobresa ta e forma di violencia di mas grandi na mundo, e banco di cuminda a wordo crea, cu un banco di muebleria y paña, desiña pa alivia algun di e necesidadnan di e miembronan di nos comunidad menos afortuna.
“No tin nada mas bunita cu haci donacion di bo tempo na esnan den necesidad, y mi ta orguyoso con entusiasma nos miembronan di Team a engrandece e spirito di duna bek”, Glenn Farro, director di recursonan humano ta bisa.
Hilton Aruba su ‘Blue Energy Food Bank Heroes’ a uni forsa cu coordinador Gianaika v/d Biezen, y su staff dinamico Lissa Harris, Gabriel Marchena, Suehen Pourier, Nicolaas
Almarracin, Jewel Baker y Liandro Loopstok, na nan luga den Club Kibrahacha.
Hunto nan a percura pa asistencia di cuminda na mas cu 4,000 famia. E aña aki FPNC a bay over di yuda 250 famia pa luna, pa un operacion inmenso. Nan ta solicita bids, haya compranan aproba, di cantidadnan grandi di productonan di tur clase incluyendo materialnan basico, productonan di cuminda seco y fresco, ricibi mercancia, repaketa esaki cu hopi cautela y distribui na famianan den necesidad.
E trabao ta hopi duro y FPNC ta semper contento pa duna bon bini na mas boluntario di negoshinan local. Hilton’s Blue Energy Crew, segun Gianaika, a bini na un momento critico, na unda cu yudansa tabata hopi necesario.
Opcion pa haci donacion:
Haci donacion di bo tempo na Club Kibrahacha. Ta haci un yamado na mannan fuerte cu ta necesario pa yuda carga of move cahanan pisa, y sonrisanan alegre ora di trata cu e clientenan.
Pa haci un contribucion monetario:
Aruba Bank 1000; Banco di Caribe 100 000 500 001 800 01; Caribbean
Mercantile Bank 60001000; RBC Royal Bank 77000 000 44195025.
Pa asistencia, bishita e website [email protected], of yama 588 0002 y 562 4205
Den siguiente imagen por mira Hilton Aruba’s Blue Energy Food Bank Heroes den accion na e food bank.