Despues di un par di luna di negociacion, sindicato FTA y gerencia di Hilton Aruba Caribbean Resort & Casino a logra yega na un CAO, pa cuater aña cu sigur ta algo di ta contento cun’e. Sr. Rene Kan, a bisa cu nan a cumpra e hotel na 2015, pero a cera cu acuerdo nobo cu FTA pa do saña, pero awo a logra di firma pa 4 aña. Tambe Sr. Kan a gradici tur e miembronan cu tabata forma parti di e team di negociacion, envolvi den e negociacionnan di ultimo lunanan.
DOñO LOCAL
E prome aña tabata hopi dificil, ya cu tabata na juli 2015 cu a cumpra e hotel. Door di esaki tur hende a pensa cu RIU a cumpra e hotel, a haya hopi cancelacion, ya cu si tin gruponan cu ta pensa cu nan ta bin den un hotel normal, pero si nan pensa cu ta un All Inclusive, hopi a cancela. Tabata na 2016 cu nan a remodela e hotel, pa cual e cera diferente parti di e hotel y na 2017 tabata e prome aña cu Hilton Aruba Caribbean Resort & Casino por a opera normal. Nan tabata tin un occupancy di ariba 90% y e aña aki 2018, hopi mas ariba di 90%. E ta un danki na e miembronan di ekipo cu ta trahando increiblemente bon, y esaki ta un inversion bunita pa Aruba. Y pa esaki, Sr. Rene Kan, ta sigur hopi contento cu e desaroyonan pa cu e hotel.
PLANNAN
Sr. Kan a sigui bisa cu sigur nan tin mas plan pa futuro. Na 2016 no tabata tu cos por a worod haci. Pero na september 2018 a cuminsa cu e renobacion di e Conference Room. Tambe tin basta plannan mas cu ta na caminda pa 2019, segun Sr. Rene Kan, gerente di Hilton Aruba Caribbean Resort & casino