Bou di e lema “Nos a refresca nos hotel. Awo refresca bo bista,” Hilton Aruba Caribbean Resort & Casino a organisa un serie di tremendo evento di desayuno, invitando hefenan di varios compania local prominente pa refresca nan bista riba e propiedad, despues di renobacionnan extensivo.
E evento tabata parti di e Siman di Benta di Las Americas, unda cu ekiponan di benta di Hilton na Merca, Canada y Latino America a subi caya pa reuni cu clientenan nobo y existente, cu e meta di conecta cu nan y comparti tur e tremendo cosnan cu ta pasando na nan resortnan.
Ambos evento di desayuno a tuma luga na cuminsamento di Maart y a ricibi representantenan di Aruba Bank, Eco Destination Management NV, Astec NV, Setar NV, UNICON, Giannis Group NV, Pepia Est NV, Aruba Airport Authority, the Guardian Group, Banco di Caribe, Aruba Trading Company y Office Systems.
Invitadonan a wordo invita pa un tour exclusivo di e resort di 357-camber, y un desayuno na su restaurant ganador di premio culinario, Sunset Grille.
E recien renoba Hilton Aruba Caribbean Resort & Casino tin un imagen completamente nobo cu ta conecta cu e propiedad su historia rico y ta mescla cu un estilo di bida moderno di playa cu ta pas cu e viahadornan sofistica di awendia. E disenjo nobo ta un homenahe respetuoso na e architect original di e resort, Morris Lapidus, kende a forma hopi di loke awo ta un disenjo iconico di hotel. E concepto di e renobacion tabata pa mantene e vision original, y aumenta esaki, celebrando Aruba su playa bunita, su santo manera sucu blanco y su brisa signatura, como tambe sostene e maraviyanan natural cu mueble , materialnan y texturanan contemporaneo.
Mientras cu nan tabata na e resort, e invitadonan a wordo introduci na un prijs special di hende local, esta di$169.00 pa anochi, incluyendo desayuno, valido te cu dia 31 di Maart, 2017, cu ta wordo ofreci na habitantenan di Aruba, Boneiro y Corsow. Pa reservacionnan, yama +297-586-6555 of manda nos un email na [email protected].
E oferta fantastico ta disenja pa yuda hendenan local descubri e Hilton Aruba Caribbean Resort & Casino completamente nobo, despues di e renobacion multi-miyonario excitante.
Riba combinacion di e potretnan por mira algun momento di e evento, unda cu invitadonan a disfruta di e hospitalidad di Hilton.