Instituto Biba Saludabel y Activo, IBISA, a bin ta pasa rond na companianan y becindario desde cu e la wordo presenta pa gobierno na aña 2012. IBISA su personal dedica ta atende 4,000 pa 5,000 persona cada aña. Recientemente e ekipo di evaluacion di salud a haci un stop na Hilton Aruba Caribbean Resort & Casino invitando e miembronan di ekipo pa pasa y haya un consulta gratis.
Mas di 130 miembro di ekipo a probecha di e oportunidad aki y mientras nan tabata bezig cu e consulta nan a wordo ofreci test di presion. Tambe nan a invitanan pa papia tocante nan inkietudnan cu e profesionalnan di salud, pa papia tocante e factornan di riesgo di e enfermedadnan di curazon y a duna nan recomendacionnan tocante e estilo di bida y ehercicio.
E servicio ta wordo respalda pa Botica di Servicio, e cadena local di boticanan cu a priminti tur e materialnan necesario y a aloca fondonan pa mantene e unidad di salud riba caminda y na servicio di e comunidad. Botica di Servicio y Hilton Aruba Caribbean Resort & Casino ta miembronan di Aruba Growth Fund, kende ta asumi su responsabilidadnan social door di subsidia e gastonan di hiba e atencion medico den e esfera publico.