NEW YORK CITY, New York – E candidato presidencial Hillary Clinton, tin neumonia, su dokter Lisa Bardack, a confirma den un declaracion dinfundi pa e campaña democrata.
E diagnostico a wordo haci diabierna y el a cuminsa tuma antibiotica, segun e comunicado di Barcak, kende a recomenda reposo.
Diadomingo, Clinton a bay tempran na e monumento pa e victimanan di S11 na New York, pero mester a bay di forma anticipa for di e ceremonia caminda cu a conmemora e 15 aniversario di e atakenan terorista.
E vocero di su campaña, Nick Merrill, a bisa den un declaracion cu Clinton a sinti su mes hopi acalora durante e acto y a bay na e apartamento di su yiu muhe.
E declaracion di dokter Lisa Bardack ta cu, durante e evento, e mainta di diadomingo, el a sinti su mes cu hopi calor y deshidrata.
“Mi a samine y awo e ta rehidrata y ta recuperando bon,” Bardack a sigura.
E periodistanan cu ta sigui e actividadnan di e candidato democrata a bisa cu e ex secretaria di Estao a bay for di e luga banda di 9’or y mey di mainta, ora local.
Mientras cu e tabata cana pa e caravana di auto cu ta transport’e, Clinton a wordo yuda pa agentenan di Servicio Secreto y pa yega su truck, un alto funcionario a bisa.
Un video difundo atrabes di e rednan social ta mustra Clinton ta tambalea prome cu el a subi na un truck preto. Un asistente y dos miembro di Servicio Secreto mester a casi carg’e den e auto. Parce cu e candidata democrata tabata casi cay, incapas di dal un paso.
Mas despues, ora cu el a sali for di e apartamento di Chelsea, e candidata presidencial a bisa prensa cu “e ta sinti su mes bon.”
“Ta un bunita dia na New York, “el a agrega, mientras e tabata hari y saluda su siguidonan prome cu el a drenta den e auto.
Ora cu e candidato presidencial Republicano Donald Trump, a wordo pidi un comentario riba e incidente di slaud di Clinton, el a bisa cu e no tabata sa nada al respecto.
Un cercano colaborador di e campaña di Clinton, a bisa cu un biahe pa California awo ta den aire. El a agrega cu tin un evaluacion serio di e agenda di e candidata democrata.
Fuente: CNN en Español