Sr. Fritz Hibbert ta testigo den e caso di maltrato despues di parada grandi di Oranjestad. Den e caso aki e e tabata trahando y a pasa ey banda y mira e situacion. Ora cu carnaval a caba, el a topa cu su amigonan y nan a bay cas. E ta conta su banda di loke a sosode despues.
Sr. Hibbert ta conta cu ora cu nan a yega cas, tabata tin un pelea entre dos persona, y e momento ey nan no a worry. Pero ora cu nan a ripara cu tabata dos amigo di e victima y e testigonan, manera cu nan a conta ya caba, nan a bay stop e cuenta y tur cos a caba.
Un di e esunnan envolvi, Sr. Genan Peterson a bay den cas pa calma e cuenta y un otro a keda pafo. Sr. Hibbert ta conta cu e mes no a drenta paden, door di calor y tambe door di cansancio. Ora cu e tabata pafo, kisas ni 5 minuut cu Genan a denta paden, un batayon di polis a yega baha for di van. Nan no a ni puntra ta kico pasa, nan a yega bay y e guy cu a keda pafo, ta bisa polisnan cu esun paden tin arma y cu e tin cuchio. Nan a drenta paden, sin verifica si e storia ta cuadra.
E ora Sr. Helder a purba na stop e polisnan, pero e polisnan no a scucha di Helder, nan a push’e y a drenta paden. Loke a pasa paden Sr. Hibbert, e no por bisa ya cu e no tabata paden. Pero el a wak e polisnan drenta paden, pa despues e scucha grito, yoramento di e muchanan, cu tabata grita “no dal’e, no dal’e”. E la scucha hopi boroto paden. E momento ey cu Helder a wanta polisnan nan a bent’e abao. Ora nan a subi ariba dje, e mes tabata bisa e polisnan pa bay suave cun’e, pa motibo cu el a opera aña pasa na Juni, y dokternan a bisa cu e no mag haya golpi na su cabes, ya cu e ta keda delicado.
Segun Sr. Hibbert, na momento cu polisnan a benta Helder abao, nan tabata den teritorio di Helder mes. Pero nan no a haci caso. Y Sr. Helder no tabata resisti mes. E mes a pone su man patras, pero polisnan a comete un abuso, y Genaro Helder su ruman mas chikito, Giovanni tampoco a resisti.
Pero e hecho ta keda cu e pelea a caba caba ora cu polis a yega, dus pakico haci tanto show. Y e polis cu a run the show, segun Sr. Hibbert tabata Aldrick Croes.
Polisnan no a bay cu Sr. Hibbert pa motibo cu e no a haci nada y e no a papia nada. Pero si el a wak kico tur a pasa, y e ta enfatisa cu polisnan a actua cu forsa bruto y for di control.