PARIS, Francia – Durante un demostracion riba dia 1 di Mei, den e centro di Paris, a bin un confrontacion entre demostrantenan contra polis Frances. Polis a wordo bombardea cu bomnan di huma y molotovcocktails. Casi sigur un seis herido a cay, entre otro dos agente policial.
E demostrantenan tabata den vecindario di Place de la Bastille na Paris, dilanti di riot commando. Polis a purba di dispersa un grupo grandi di demostrante for di e plenchi, y door di esey a haci uzo di cañonnan di awa y gasnan lagrimogeno.
Demostrantenan a reacciona door di a tira entre otro bomnan di gasolin. Door di a tira esaki, tres demostrante a keda herida, segun e agencia di noticia Frances AFP.
Dos agente a bira victima di e bomnan aki. Un di tres agente mester a wordo hiba hospital cu heridanan serio di kima.
Marine Le Pen
E demostrantenan a uza Dia di Labor como protesta contra Front National, e partido di e candidato presidencial Marine Le Pen. Diadomingo, e di dos buelta di e eleccion presidencial Frances lo tuma luga, cu lo ta entre e derechista Le Pen y e social-liberal, Emmanuel Macron.
Le Pen a mustra den un tweet, su sosten cu e agentenan di polis herida. E ta mustra cu “esaki ta consecuencia di e comportacion cu nos no mester tolera mas na Francia.”
Lucha di eleccion
Tambe den otro paisnan na Francia, manera Marseille, tabata tin demostracion contra Le Pen. Na 2002, su tata, Jean-Marie Le Pen, tambe tabata den eleccion pa e presidencia Frances. El a perde e tempo ey den e di dos buelta contra e conservativo Jacques Chirac.
For di e tempo ey caba, tabata tin protestanan pisa riba dia 1 di Mei, contra di Le Pen, fundador di Front National.
Fuente: NU.nl