NEW YORK, Merca- Glifosaat, cu autoridadnan sanitario ta considera substancia cancerino, a wordo detecta den mas di 40 alimento pa mascota y den cerealnan pa nos desayuno. Investigadonan di e Universidad di Cornell (Merca) a haya glifosaat den tur e 18 marcanan di alimento pa cacho y pushi cu nan a controla, incluyendo un producto cu tabata certifica como liber di organismonan geneticamente modifica (OGM).
E substancia tabata presente den concentracionnan abao, mas abao di loke ta wordo haya tipicamente den alimentonan humano, pero ta desconoce e efecto di glifosaat den animalnan domestico den cualkier concentracion. Estudionan a revela cu incluso nan nivelnan hopi inferior na loke ta wordo considera sigur pa e reguladonan, e efecto pa e celnan humano di e exposicion na herbicida basa ariba glifosaat ta hopi negativo.
Un di dos estudio realisa pa e Environmental Working Group (EWG), a haya glifosaat den tur e cerealnan y alimento di avena. Loke ta pio, 26 di e 28 productonan tabata contene nivelnan mas halto di e herbicida cu “e punto di referencia di salud infantil” di EWC. Entre e productonan controla, tabata tin cerealnan pa desayuno.
Na augustus, pruebanan realisa pa laboratorio independiente a haya glifosaat, principio activo di e herbicida Roundup, den 43 di 45 cereal pa desayuno. Aunke e fabricantenan di e productonan aki a protesta afirmando cu e nivelnan di glifosaat haya den e limitenan regulatorio estableci pa e Environmente Protection Agency (EPA) esakinan na 2016 a wordo fiha prome cu e Organisacion Mundial di Salud a detecta e relacion di e substancia cu cancer.