Henk Kamp designa como miembro di e Colegionan di supervision financiero

0
RBC Juli 2018
Funmiles-2018

Den Haag / Willemstad – Entrante dia 1e di juli 2018 ex-Ministro Henk Kamp lo tuma asiento den Colegio di supervision financiero (Cft) di Corsou y Sint Maarten y den Cft di Boneiro, Sint Eustatius y Saba. Pa Colegio di supervision financiero di Aruba (CAft) e designacion ta drenta na vigor entrante dia 1e di augustus. Postula pa Hulanda, e lo sucede e miembro actual Sybilla Dekker. Presidente Raymond Gradus: “Henk Kamp ta un persona cu un gran experiencia administrativo y cu hopi afinidad cu Region Caribense; cu baymento di Sybilla Dekker lo a surgi un bashi, cu awor afortunadamente ta yena inmediatamente. Mirando e estado di finansa publico di e paisnan, cual ta exigi hopi atencion, mi ta contento cu e experticio cu Henk ta trece cu ne.”
Dia 9 di mei 2018 Conseho di Ministro di Reino a bay di acuerdo cu designacion di Henk Kamp den e Colegionan di supervision financiero. Anteriormente Conseho di Ministro a haci esey cu su designacion den Cft BES. Henk Kamp tin un trayectoria largo di servicio den administracion publico. Asina, prome cu su ministerio e tabata miembro di Conseho Municipal, miembro di Colegio Ehecutivo Municipal, miembro di Parlamento Provincial di Gelderland y miembro di Tweede Kamer. Den e Gabinetenan Balkenende I y II/III e tabata respectivamente Ministro di Vivienda Publico, Ordenamento Teritorial y Medio Ambiente, y di Defensa. Despues di esey e tabata atrobe miembro di Tweede Kamer y durante dos aña e tabata Comisario pa Boneiro, Sint Eustatius y Saba. Seguidamente e tabata Ministro di Asunto Social y Labor den Gabinete Rutte I y por ultimo Ministro di Asunto Economico den Gabinete Rutte II. Na e momentonan aki e tin ainda varios funcion secundario, entre otro como presidente di e asociacion sectorial di e organisacionnan cu ta activo riba tereno di cuido y asistencia di anciano, enfermo (cronico) y hubentud, y como presidente di Conseho di Supervision di un hospital.
Henk Kamp ta sucede su ex-colega Sybilla Dekker, kende for di 2012 a fungi dos periodo como miembro di Cft. Sybilla Dekker tabata Ministro di Vivienda Publico, Ordenamento Teritorial y Medio Ambiente den Gabinete Balkenende II/III. E miembronan actual di CAft lo tuma despedida di dje meimey di e aña aki. Raymond Gradus ta señala: ”Cu baymento di Sybilla nos ta tuma despedida di un miembro masha aprecia y participativo; semper e tabatin wowo pa e contexto Caribense i e relashonnan gubernamental den cual e supervision financiero mester funciona. Hunto cu e demas miembronan mi ta spera cu deseo e colaboracion cu Henk Kamp.”

Comments

comments

C: Heineken
new india