Hendrik Tevreden (MEP): Formacion y union den un comunidad ta importante

Puis X School a haya bishita di politico di MEP Hendrik Tevreden. E bishita aki ta netamente pa mira con e scol a keda despues cu a haci peticion pa e scol haya su asfalt  pa nan por sigui  cu nan proyecto   den nan mesun cura di scol. Ta trata di un proyecto cu ta hiba e nomber di ‘’ Veilig Leren Fietsen ‘’.

E peticion cu a keda haci for di basta tempo na DOW  a keda cumpli pa e muchanan di e scol por haya patras di e Gymzaal completamente asfalta. E muchanan por siña core bicicleta den un forma hopi safe.

Sinembargo e asfalt no lo keda  completamente preto, lo haci e pinturanan adecua pa asina e muchanan por siña e borchinan y tambe sa kico ta nificacion di tur e liñanan blanco riba caminda.

Esaki no tabata posibel sin e esfuerso di Prome Minister Evelyn Wever Croes, e mandatario a traha duro pa asina mira esaki bira posibel pa e muchanan por sigui train den practica di cual nan ta haya den teoria den klas di tur loke ta e borchinan di trafico riba caminda publico. Tambe e liña nan blanco riba caminda e muchanan lo tin un bista mas amplio  pa nan sa unda ta e caminda safe core y cana.

FATIMA college tambe lo haya su asfalt prome cu e aña escolar nobo cuminsa pa asina ora e aña escolar nobo habri, e muchanan por habri nan aña escolar hopi mas agradabel. Segun Hendrik Tevreden, apesar cu e la tarda un poco tog a logra y ta felicita Puis X school y  bario di Dakota cu e logro aki.

Partido MEP ta bringa pa un sociedad balansa y ta importante cu nos muchanan por haya trainingnan cu ta enfoca den forma nan  bida. Formacion den un comunidad y union den un comunidad ta importante. Lo sigui traha pa e bario di Dakota y sigui lucha pa e muchanan di Dakota, y cu e apoyo  y sosten di henter Dakota, por sigui haci mas cambio den e bario di Dakota y Aruba en general.

Comments

comments