Diaranson mainta den Parlamento di Aruba a cuminsa cu e tratamento di e caso di e ley di derecho igual casamento di mes un sexo cu ta un topico ultimo lunanan den comunidad. Tur partido tabata den Parlamento y cada miembro a duna nan palabra.
Parlamentario di MEP sr. Hendrik Tevreden a hiba su prome palabra e ta hiba cu como lider di e fraccion e ta sinti su persona orguyoso di e forma y a dune e respet di lidera e momento dificil aki y aki den nos tin un refleho di nos comunidad, un comunidad cu tin hendenan pro y un comunidad cu tin hendenan contra y comunidad di hendenan cu no sa ki decision pa nan tuma.
Ami tin mi decision Parlamentario Hendrick a bisa y mi ta para pa esaki, p’esei hopi biaha ma bisa cu conscientemente ma scoge pa no hiba e tematica aki den publico pero hibe na mesa na dialogo pasobra ta eyan ta e forma pa sali y duna un miho producto n’e comunidad cu ta busca esaki. E pregunta di awe ta cu si no tin mag di casa, e pregunta di awe ta kico ta matrimonio kico e ta kico ta su esencia, importancia y deseo.
Mi a duna mi opinion y ora despues di esaki ma haya un menasa, asina parlamentario Hendrik Tevreden a duna di conoce den parlamento diaranson mainta. E menasa ta di seriedad cu ta un menasa cu morto y nos tabata biahando pa Hulanda y e menasa a bin fo’i un persona di Hulanda, y ma cana e caminda y tuma pasonan pasobra a bin un menasa di morto ariba un opinion cu mi tin como un ciudadano democratico den mi pais.