Vocero di Aeropuerto Internacional Reina Beatrix Sr. Hendrik Croes ta duna di conoce cu algo prome cu 8 or personal cu ta traha den e oficina unda tin e camaranan di siguridad di Airport a haya un holo den e oficina y ora a bay averigua a constata cu ta e bateria di un aparato lo a rementa. E bateria aki tabata saca huma y cierto gasnan y di biaha alarma a keda bati y asistencia di bombero a keda pidi pa bin na e sitio.
Di biaha bomberonan a haci e trabounan necesario pa haya sa kico esaki ta y si tin consecuencianan pa cu e empleadonan trahando den e area. Durante trabou di bombero nan a conseha pa personalnan di Airport evacua e oficinanan ariba di parti AAA como siguiente conseho a evacua esnan cu ta traha den parti Arival bou di e oficina di siguridad ta, asina Airport a activa e emergency response team pa asina evacua personal trahando.
https://www.facebook.com/masnoticia/videos/1601569983213917/
E otro areanan a keda operacion tur e momento ey. Prome cu merdia e area di arival, inmigracion cu a sali a drenta bek paden pa continua cu e trabounan. Sr Hendrik Croes a bisa cu nan ta contento di parti AAA ta contento di e cooperacion ricibi e asistencia di brandweer y ambulans cu a presenta rapidamente pa brinda asistencia, y un total di 61 hende y 4 a keda transporta pa hospital y un a keda interna.
Despues di a caba di ventila full e area cu tabata despues di merdia tur hende por a drenta bek paden y e trabou sigui normal. Ningun vuelo a keda afecta pa cu esaki, tabata e empleadonan di triple A cu ta traha den oficina ta esnan cu a keda evacua.