Diaranson atardi central di polis ta haya un yamada cu lo mester tin un boto cu problema pabou di Arashi y cu e boto lo ta bezig ta zink. Di biaha ta manda patruya di strand y tambe maritiem pa e sitio. Na yegada di patruya nan ta conta polis cu e boto lo a zink caba no mucho leu di canto y cu un otro boto a bai cu e tripulante nan di e boto for di e sitio.
Boto di polis a busca den bisindario pa nan wak e situacion y despues wak si lo haya e doño di boto. Mientrastanto patruya di strand tawata tuma declaracion di esnan na canto. A bin resulta cu ta un catamaran chikito a kentel y un boto di watersports a bin dune un man y nan a lastra e boto bay cune for di e sitio dus ningun boto no a zink. Polis a tuma dato.