LifeStyle: Tur hende un biaha den nan bida lo encontra cu hende nan toxico den nan trabou, den bo circulo di amistad tambe bo por tin hende nan toxico inclui den circulo di bo famia.
E peligro di biba cu hende toxico rond di bo ta cu e persona nan aki ta persona cu e capacidad di por horta bo energia y demotiva y haci bo responsabel di nan error nan.
Hendenan toxico ta hendenan cu ta considera nan mes perfecto, y nan no tin e balor di asumi nan propio eror nan y defectonan. Hendenan cu energia negativo ta plana nan mal vibracion den tur hende pa por sinti nan mes miho cu nan mes.
Hende nan toxico semper lo busca un excuse pa por hustifica su comportamento, eror nan y actitud y libra su mes di tur culpa.
Nan busca semper un persona pa ta responsabel pa nan culpa. Ta importante pa bo no tin hende nan aki rond di bo pa no mester daña bo energia, si pa circunstancianan di bida bo mester deal cu hendenan toxico den bo bida, semper tin un distancia y nunca confia nan.
- Latest
- Trending
