E ultimo añanan tras di lomba a traha duro riba contract nobo pa e unidadnan aereo pa Wardacosta Caribe Hulandes. Meta di a cera e contractnan aki ta un proveedor di servicio confiabel pa Wardacosta y e unidadnan aereo moderno, ekipa cu herment tecnologico cu ta yuda den ehecucion di e tareanan di Wardacosta.
Na momento di cera e contractnan nobo e unidadnan aereo a haya un modernisacion amplio di e medionan di comunicacion y sensor. E medionan nobo ta entre otro: e sensornan nobo, camara nobo pa anochi y di dia y otro ekipo renoba pa uza abordo. E materialnan nobo ta masha adecua pa accion di rescate riba lama y tambe tarea di investigacion y supervision.
E helicopternan ta procedente di e compania Bristow Helicopters Limited. Pa medio di e contract cu Bristow, Wardacosta a sigura su capacidad di vuelonan cu e helicopter pa su servicionan cu 10 aña. Pa loke ta trata e avionnan, Wardacosta a cera un contract cu ISR, cu ta un cooperacion entre PAL Aerospace Ltd. i e compania Hulandes Jetsupport. E contract aki tambe ta garantisa e servicio di e avionnan pa un periodo di 10 aña.
Wardacosta Caribe Hulandes ta contento cu e contractnan nobo y e recursonan abordo pa ehecucion di e tareanan di Wardacosta.