CARACAS, Venezuela- E vicepresidente Venezolano, Tareck El Aissami, diaranson a informa cu e helicopter uza diamars pa ataca e Tribunal Supremo di Justicia a wordo localisa pa autoridadnan na Vargas. Aissami a informa tambe cu te ainda no tin ningun detencion pa cu e hecho aki.
“A pesar di e condicionnan climatico adverso, nos Forsa Armada Nacional Bolivariano a localisa e helicopter cu diamars a wordo uza pa dos atake terorista riba institucionnan di Estado Venezolano”, El Aissami a bisa den un contacto telefonico cu e canal di television estatal VTV.
Segun gobierno, un agente di e polis cientifico Venezolano (CICPC), yama Oscar Perez, diamars a horta un helicopter cual el a uza pa bula ariba e sedenan di Ministerio di Interior y di Tribunal Supremo di Justicia (TSJ) na Caracas, caminda cu e la lansa cuater granada y a realisa varios disparo.
Fuente: www.eldiario.es