PUERTO AYACUCHO, Venezuela – Gobernador di e estado Venezolano Amazonas (zuid), frontera cu Colombia y Brasil, Liborio Guarulla, a confirma dialuna cu Efe cu un helicopter cu 13 persona abordo a perde, cu tabata dirigi di Puerto Ayacucho pa La Esmeralda, ambos localidad ubica dentro di e mesun localidad.
Guarulla a bisa Efe cu e aeronave a perde dos dia pasa y cu autoridadnan di e entidad ta awor aki den su buskeda.
Segun e gobernador, e helicopter ta pertenece na e Forsanan Arma Nacional Bolaviariana di Venezuela (FANB)y te na e momento no tin mas informacion al respecto.
Aunke ni e Ministerio di Defensa ni esun di Interior y Husticia a bisa algo al respecto, e directivo di e Instituto di Buskeda y Salvamento di Venezuela (I-SAR), Jacobo Vidarte, a informa diadomingo atrabes di su cuenta riba Twitter cu “autoridadnan Venezolano (ta) en busca activo di e helicopter MI17V5”.
Vidarte a publica awe otro mensahe caminda cu e ta señala cu te cu 9’or di mainta ora local “ningun autoridad” a confirma e “localisacion di e helicopter MI17V5.”
“Nos ta spera cu tur cu a baha (esta e helicopter) pa e mal tempo y tur ta bon,” el a agrega. Segun Vidarte, e aeronave a wordo declara den situacion di peliger.
Fuente: http://www.elnuevoherald.com/