RUSIA – Un helicopter militar Ruso a tira por eror riba un grupo di vehiculo staciona, bashando por lo menos un persona abao. E accidente a tuma luga durante un ehercisio di entrenamento den e parti west di Rusia.
E imagennan a wordo graba y a wordo publica pa e corant Fontanka.ru. E videonan ta mustra dos helicopter bulando riba un campo di entrenamento. Un di nan ta acerca na e camara, unda cu por a mira un persona canando hunto cu un truck militar, cubri pa e redanan di camuflahe.
Diripente, e helicopter ta tira un serie di misil contra di e truck, haciendo cu e persona cu a graba e imagennan, destabilisa cu mes y cay abao. Un di dos video di e mesun luga, ta mustra e secuelanan ocasiona pa e disparonan. Den dje por a mira un bentana kibra di un di e trucknan cu tabata para y e restonan di metraya di e truck militar.
E accidente a tuma luga cerca di e asina yama Zapad 2017, un serie di ehercisionan militar cu Rusia a organisa hunto cu Bielorusia y cu ta conclui diaranson, 20 di September.
E Ministerio di Defensa di Rusia, den un comunicado, cita pa e agencia di noticia Interfax, a reconoce cu a tuma luga un accidente durante e ehercisionan di entrenamento debi na un fayo den e seleccion di e obhetivo di e helicopternan y a nenga cu lo tabata tin algun herido.
Fuente: www.huffingtonpost.com