Manera conoci, riba 19 di Juli 2020 tabata tin un helicopter Militar Hulandes [NH90] cu a cay den lama pabao di Aruba. Siguridad di Defensa Hulandes a constata cu no tabata tin ningun fayo tecnico cu e helicopter despues di un investigacion haci na e blackbox ora a scucha e grabacion.
Awe a wordo anuncia cu HNLMS Groningen lo tin acceso na un NH90 Helicopter Maritimo di combate atrobe despues di mas cu dos luna. Diaranson mainta vuelo a sali direccion pa region di Caribe. E helicopter aki lo reemplasa esun cu a cay den luna di Juli na unda dos persona a perde nan bida, y otro dos persona a keda herida.
E NH90 a wordo prepara pa transporte aereo na Eindhoven Air Base durante ultimo dianan. El a wordo carga den un C-17 ayera pa transportacion. No ta comun pa Defensa bula den helicopter por medio di transporte aereo. Normalmente esaki ta wordo transporta riba e ‘patrol vessel’ cual ta wordo dirigi despues na e area di stacion militar, pero pa via di e piloto, e crew cu awor ta encarga a devia di esaki.
HNLMS Groningen ta activo manera un station ship den Caribe desde luna di Juli 2020. E ta wordo uza pa trabaonan di warda costa, operacionnan di rescate, combate di droga y tambe ta ofrece servicionan di emergencia. E NH90 ta brinda sosten militar adicional.