E helicopter NH90 Militar Hulandes cu a cay den lama pabou di Aruba riba 19 Juli 2020, a keda localisa diadomingo despues cu a manda un mashin den profundidad. Un asociacion priva Militar a logra yega na e helicopter, e helicopter ta parti den dos pida. A logra haya un parti 12 km for di costa di Aruba y e otro a keda localisa 100 kilometer leu. Defensa Hulandes lo investiga si por rescata e otro partinan di e helicopter.
No tabata tin ningun fayo tecnico
Siman pasa departamento tecnico di siguridad di defensa Hulandes a constata cu no tabata tin ningun fayo tecnico cu e helicopter despues di un investigacion haci na e blackbox ora a scucha e grabacion. Ta parce cu e helicopter a cay inesperadamente y aki a crash den lama, no ta mucho cla ainda kico por a pasa. Tur e helicopter di e modelo Nh90 a keda di ground te ora cu a haya e problema pero nan ta bek den servicio.