LA ESMERALDA, Venezuela – E Forsa Arma Venezolano a localisa e restonan di un helicopter militar cu a dsiaprce cuater luna pasa cu 13 ocupante, kendenan lo fayece.
E institucion “ta informa e pueblo di Venezuela, e hayasgo di e helicopter tipo MI17V5 (…) cual a wordo declara den destrefa (fase di socoro), dia 30 di December di 2016 ora cu e tabata cubri e ruta Puerto Ayacucho-La Esmeralda, den e estado Amazonas,” un comunicado a señala.
E restonan a wordo avista dia 19 di April ultimo pa helicopternan di e Ehercito, 50 miya nautico noordwest di La Esmeralda, e rapport a añadi.
E Forsa Arma a indica cu nan lo cuminsa cu “investigacionnan di e caso pa determina e situacion di e tripulacion y e pasaheronan,” aunke cu nan a delanta cu ta existi “poco posibilidad di sobreviviente.”
Den e helicopter tabata tin nuebe militar y cuater civil.
Desde su desaparicion, pobladornan, famianan di e ocupantenan y diputadonan opositor a saca afo varios hipotesis, incluyendo e posibilidad di un secuestro di parti di guerilleronan Colombiano.
Fuente: El Espectador