Diadomingo ultimo, e helicopter cual gobierno a busca for di Colombia a regresa bek pa Colombia. Esaki sinembargo no tin di haber cu niun cancelacion di contracto.
Motibo pa cual e helicopter aki a bay Colombia ta pa e cambia su matricula despues di un tempo na Aruba. Cu e cambio di matricula aki e helicopter lo por sigui bula na Aruba y pa cumpli cu e contract vigente. Esaki tabata a base di un palabracion existente. Mirando cu ta trata pa un periodo hopi cortico, no ta necesario pa trece un otro helicopter.
E helicopter a bandona Aruba diadomingo pa 3 or di marduga. Debi cu e helicopter mester a pasa ariba teritorio Venezolano y mirando cu frontera entre Aruba y Venezuela ta cera, mester a pidi autorisacion di autoridadnan competente pa e por drenta su teritorio cual permiso a wordo concedi tambe.
E helicopter lo ta bek na Aruba diabierna proximo