Recientemente personal di Kustwacht su Centro di Rescate y Coordinacion a ricibi yamada for di polis di Bonaire pa asistencia.
Helicopter di Wardacosta mesora a wordo mobilisa pa un accion di rescate di un mucha chikito cu a bay keiro den mondi cu su mayornan y a perde. Despues di un ora di buskeda, a dicidi di bati alarma na autoridadnan.
E helicopter cu a caba di yega di un vuelo di patruyahe, mesora a bay Bonaire. Polis a logra haya contacto cu e mucha muhe via su celular, pero e comunicacion tabata basta malo. Asina el a logra informa nan cu e ta mira autonan di polis.
Danki na helicopter di Kustwacht cu a logra haya un mucha muhe cu ta perdi pa un ora largo.
Na yegada di e helicopter di Kustwacht, a guia e nave direccion cu nan ta sospecha e mucha ta. E patruya di tera di Kustwacht cu tambe tabata yuda busca a constata cu e helicopter a logra yega prome na e localidad y a rescata e menor.
Ademas di dolor di cabes y cu e tabata sinti su mes un poco bruha, e mucha tabata den bon condicion. A transporte den helicopter pa aeropuerto di Flamingo unda un ambulance tabata sperando pa hib’e hospital pa haci un control medico.