CARACAS, Venezuela – Ernesto Villegas, minister di Comunicacion y informacion, a bisa dialuna durante un acto cu e presidente Nicolas Maduro, cu tabata tin un atake arma contra e Tribunal Supremo di Husticia y e Ministerio di Interior, “un individuo a halsa arma contra e Republica. El a secuestra un helicopter y a ataca e Tribunal Supremo.”
“Un di e pilotonan aki tabata e piloto Miguel Rodriguez Torres, e ex minister kende ta den contacto cu CIA,” Maduro a bisa. “Mi ta spera cu MUD condena e atake aki,” el a exclama y a sigura cu e funcionario lo wordo captura.
Maduro a precisa cu nan a lansa dos granada, un di cual no a explota. “E accion aki por a causa cientos di herido,” el a sosotene. El a pidi Ministerio Publico, “pa actua cu ekilibrio den e situacion aki.”
“Si mi mester declara nivel dos di Plan Zamora, mi ta haci’e. Ya tur forsa special a wordo esplega pa captura e grupo aki y tur lo bay haya sa,” Maduro a bisa.
Mas despues, Villegas a informa cu e piloto a wordo identifica como Oscar Perez y cu ainda e tabata wordo busca.
Fuente: www.ntn24.com