Diahuebs anochi patruyanan di Oranjestad a keda manda cu urgencia pa Cumana unda un homber a yega e cas y cuminsa menasa un dama y maltrate. E homber supuestamente lo tabata arma y bou e menasa aki a bay cu tres mucha menor di edad. Polis a tene un buskeda grandi den e area debi cu e homber a bandona e sitio na pia pero lo tabatin su auto scondi un caminda.
Un hefe di Polis di Noord den su oranan liber atento riba su radio tabata scucha y e tabata den bisindario y a opta pa yuda e oficialnan cu e buskeda. Asina e polis di funcion halto a tene un buskeda tambe den e area y cuminsa buskeda pa e muchanan. Den un buskeda den mondi e hefe di districto Noord a logra haya e muchanan scondi tur spanta, a solicita patruya pa yude di biaha. Asina e agente policial a logra hiba e muchanan un lugar mas sano. Polis di Oranjestad a sigui cu e caso debi cu un dia prome e homber a yega e cas caba cu arma di candela menasa e famia.