Diasabra den careda di 1:30 pasa marduga riba e caminda di Bakval ta sosode un accidente unda un auto a dal den un auto staciona dilanti un cas y bay para algun meter leu. Polis di biaha a presenta na e sitio y ta topa cu un situacion cu ta trata di un hefe di Polis envolvi den accidente cu un toyota corolla cu hefenan ta usa.
E oficialnan a tuma nota cu ta e hefe di districto Oranjestad tabata na stuur, y a notifica pa specialista presenta y a pone esnan mas halto na altura. Por a mira claramente riba caminda marca di brake cu ta indica cu e chauffeur tabata core basta malo di a bay ful na man robes dal den auto staciona y despues bay bek na banda drechi y asina bay para casi riba un cashi coriente.
Polis di trafico a presenta na e sitio, debi cu ta trata un auto policial y e oficial a pone e colega supla y esaki a surpasa e limite, momento cu e hefe a tuma nota di esaki, dolornan a sali di biaha na curpa y a pidi pa ambulance, debi cu esaki ta e modus operandi pa asina evita un detention como superior.
Ambulance a presenta y a haci control pero debi na e impacto e chauffeur “polis” mester a bay hospital pero el a nenga y a baha. Nos a presenta con e polis di trafico a bay enfrenta e hefe di Playa y bise cu e tin cu keda deteni pa core auto burachi, y aki ta unda el a pensa dos biaha y pare ambulance pero tabata laat debi cu el a nenga.
E hefe sabi y pa berguensa a keda nenga di no lo kier keda deteni debi cu esaki ta un mal record pe y a yama e hefenan mas halto pa presenta na e sitio pa asina pone orden. No ta prome biaha cu e hefe aki ta kibra auto di polis, den pasado area di Baval mes y otro caminda. Na mas cu un ocasion mes a mira e hefe aki cu auto di Polis ta bay linear park bebe na algun bar casi tur fin di siman y otro camindanan cu coleganan a yega di gare den area di Paradera.
Na final takelwagen a presenta pa lanta e auto y bay warda cune. Y e hefenan y alto comisario a keda poni na altura di e situacion aki.